Page 41 - CITGO

investigacion cu nan ta haciendo hunto cu Universidad di Aruba riba e tema di economia

circular, esta con empresanan denter di e economia circular y e retonan financiero cu nan

ta confronta cune. A elabora riba ideanan manera con empresanan por traha hunto, cu

cliente y institutonan financiero pa logra e meta final di un economia sostenibel.

Durante su estadia na Aruba, el a bishita dump pa analisa cua ta e problemanan, a bishita

algun empresa con nan por wordo yuda, pero tambe a bishita Ecotech y a mira con nan ta

organisa henter e proceso pa funciona mas eficientemente posibel. E compania aki ta

evalua con nan por uza materialnan miho posibel y “nan a dal un bunita paso den

direccion di reciclahe y nan ta traha den un forma mas eficiente demostrando cu por haci
e desperdicio den un forma mas compacto”.

Hecho ta cu Eric Roetman a mira un bunita ehempel di reciclahe, manera esun di gas y

energia for di desperdicio. Pero den e discusionnan cu tabatin na e evento, por a sinti cu

tin hopi cos cu por wordo haci principalmente si empresanan uni den e intentonan.

E siguiente paso, el a bisa, no ta pa traha rapportnan diki pero con pa haci investigacion

cu empresanan, intercambiando informacion riba con pa traha den un forma mas eficiente

pa yega na e meta poni y despues sigui plama e experiencia acumula. Tin algun bunita

ehempel local manera Tele Energy, Ecogas y Ecotech cual ta empresanan cu realmente ta

trata di cambia e situacion local por medio di reciclahe, unda cu henter e sistema ta miho