Page 16 - bon-dia-aruba-20180310

A16 HENDE HENDE A17
Diasabra 10 Maart 2018 Diasabra 10 Maart 2018

Aruba Doet 2018 cu 200 proyecto y casi 4000 boluntario

ORANJESTAD - Ayera mainta a tuma luga e apertu-
ra oficial di Aruba Doet 2018, hunto cu gobernador
di Aruba na Centro Kibrahacha. E aña aki ta bira e
di seis aña di Aruba Doet cu un total di 207 proyecto.

Director di CEDE Aruba, Daniel Tecklenborg ta conta
Bon Dia cu Aruba Doet a crece atrobe un poco den com-
paracion cu aña pasa. Ta sperando mas o menos cu lo tin
4.000 boluntario en total, pero e cantidad exacto nos lo sa
despues cu tur e proyectonan termina.
En todo caso tin hopi animo y hopi trabaonan inno-
vativo cu a bin dilanti e aña aki cu ta wordo haci. Tin
hopi construccion atrobe y mas o menos 30 proyec-
to social manera actividadnan pa cierto gruponan.
“E animo ta hopi bon. Mi ta gradici Oranje Fonds y
nos partners cu pa tur e aña aki ta sostene e islanan.”

Aruba Doet ta un forma crioyo di e iniciativa na Hulanda
(NL Doet). Otro islanan ruman tambe tin e mesun forma
di proyecto andando na mes momentonan aki. “Semper
tin retonan aki aya anto di esey semper nos ta consciente.
Bo no por evita retonan pero en todo caso nos ta contento
con e aña aki ta bayendo. Nos tin un team di coordina-
dornan cu ta bishitando tur e proyectonan un pa un. Tin
rond 20 hende mas o menos encarga di esaki”, segun sr.
Tecklenborg.
E ta sigui bisa cu nan lo evalua e concepto aki di coordi-
nadornan pa via cu nan ta un team hopi chikito. CEDE
mes mester boluntario pa por coordina e evento aki y lo
bay evalua wak con esaki ta bay pa wak kico por haci miho
pa otro aña.
Tin un reto ainda di generacion di hendenan poco mas
grandi pasobra nan ta registra riba website y nan no ta
check nan e-mail regularmente por ehempel. Anto asina
tin hende e aña aki cu a perde nan conexion cu Aruba
Doet. “Y di esey mi ta haya jammer, pero honestamente
nos tin cu wak unda pa mehora tambe. Pues esey ta pun-
tonan di atencion cu nos lo concentra riba dje; comuni-
cacion y registracion cu eigenlijk mester bay perfecto”, sr.
Tecklenborg ta splica Bon Dia.