Page 44 - Min.on

A pesar di e desicion di Sra. Croes, Directiva di SIMAR a y lo keda sostene su persona riba tur
nivel, menos huridicamente. Mas cu claro como miembro recien y como Sra. Croes a scohe su
propio abogado, mayoria di e gastonan huridico ta core pa su cuenta. Pues no ta asina cu Sra.
Croes a ser laga na caya, a ser cori for di SIMAR, a haya un cuchiu den lomba, a ser traiciona ni
a wordo mal representa dor di SIMAR y/ of su abogado. Al contrario. Directiva a sostene Sra.
Croes inmediatamente y completamente.
SIMAR a y lo keda “monitor” e caso aki di cerca. Tanto pa bienestar di e maestro en cuestion
como pa e interesnan general, specialmente pa e trato, cuido y seguridad di maestronan den un
caso similar.

Minister di Enseñansa a duna palabra cu e investigacion lo no tuma mas cu un luna. Cual periodo
a pasa caba. Segun ultimo informacion ricibi for di su persona ta cu e investigacion mester a
tuma mas tempo, entre otro pa motibo cu varios persona/colega cu mester a presenta pa aporta na
e investigacion a “zeg af” y mester a traha palabracionnan nobo cu nan. Directiva di SIMAR ta
spera cu e capitulo amargo aki por sera pronto y cu e caso aki caba positivamente na fabor di Sra.
Croes.

http://www.diario.aw/2015/05/simar-ta-aclaria-caso-di-juf-suhail-croes/