Page 7 - AHATA

Diamars, 25 Juni 2024 AWEMainta INTERNACIONAL 9

Vuelo di KLM ta bolbe Schiphol pa un problema tecnico

UN vuelo di KLM cu tabata bay Rio de

Janeiro mester a regresa inesperadamente
na Aeropuerto di Schiphol pa motibo di un
problema tecnico cu a wordo haya na nort
di Francia. E Boeing 777, cu tabata opera

como vuelo KL 705, a aterisa sigur sin peliger
pa pasaheronan. E naturalesa specifico di e
problema tecnico no a keda revela pa funcio-
narionan di KLM.

E vuelo tabata den aire pa mas o menos
cuarenta minuut ora e pilotonan a dicidi di
bolbe Amsterdam. Como precaucion, e avion

a keda bula over e North Sea pa descarga
combustibel, reduciendo su peso pa un ater-
isahe mas sigur. Control di trafico aereo a
confirma cu kerosin a wordo basha riba lama,

y e servicionan di emergencia tabata den
espera na Schiphol, manera t’e procedura
standard den tal casonan.

Un vocero di KLM a bisa cu e pasaheronan
nunca tabata den peliger real. A haci
areglonan pa nan sigui nan biahe pa Rio de
Janeiro riba un vuelo diferente e mesun dia. A

pesar di e interupcion, e medidanan di sigur-
idad a sigura cu tur pasahero a keda sigur
durante henter e incidente.

Joris Melkert, un experto den aviacion di TU
Delft, a splica cu aterisahenan preventivo
manera esaki ta bastante comun den e indu-
stria di aviacion. E la señala cu ora e pilotonan

topa cu un problema cu nan no ta sigur di dje,
ta mas sigur pa bolbe n’e base di operacion,
unda tecniconan cualifica por inspecciona y
trata e problema. E decision aki ta duna prio-

ridad na siguridad y ta garantisa cu ta haci
control amplio.

Sinembargo, un inconveniente significativo

di tal incidentenan t’e impacto financiero di
e bashamento di combustibel. Melkert a bisa
cu basha casi tur fuel di e avion riba lama ta
rekeri hopi tempo y ta caro. E incidente aki ta

suma n’e retonan reciente di Boeing, ya cu e
fabricante di avion ta keda bou di scrutinio
pa varios problema tecnico cu su avionnan.
Autoridadnan regulador Mericano ta investi-

gando posibel iregularidad den e procesonan
di inspeccion di Boeing.