Page 15 - MIN ARENDS_Neat
P. 15
ORANJESTAD.- Dilanti un audiencia di colega, miembronan di Parlamento,
stakeholders y demas invitado Prome Minister Eman a papia riba e proyecto
piloto di cultivo di algae.
Tur cu a hiba palabra tabatin solamente elogio p’e tremendo trabou haci cu por
a yega asina leu cu ta habri e laboratorio pa cultivo di algae riba tereno di
Refineria di Aruba na San Nicolas y na mes momento ta proba na mundo eyfo
cu nos por recoge CO2 y converti esaki den un cultivo di algae.
Esaki ta un proyecto conhunto entre TNO, RDA, CITGO y Gobierno di Aruba. Un
proyecto cu ta den desaroyo danki na insistencia di Prome Minister Mike Eman.
Despues di discursonan e sigui apertura di e laboratorium y museo cu ta banda
di dje. Den su discurso Prome Minister a recorda con su Gobierno den nomber di
Reino Hulandes a firma e acuerdo riba cambio di clima na Paris.
“Firmando e acuerdo aki nos a tuma responsabilidad como pa ta lidernan y pa
percura p’e obhetivonan di mundo wordo realisa. Esaki ta ensera cu e paisnan
cu a firma mester baha nan emision di CO2 considerablemente den e añanan
nos dilanti.
Pa garantisa cu e temperatura mundial lo subi solamente cu 1,5% den e
siguiente añanan. Esaki ta exigi conversion di e sistemanan con nos ta produci
