Page 7 - CITGO

Djasabra 16 Yüni 2018 5
Diferente pais no ta hañando petroli mas
Proyekto Petro Caribe di Venezuela pa

region di Caribe a kuminsá kai den otro

WILLEMSTAD.- Diferente aki, segun kálkulonan, e kompania ta operando apénas 31 porshento di Sigui lesa pagina 42
pais di region di Caribe ku
a firma un akuerdo ku
Venezuela pa haña preisnan
preferensial di petroli no
ta hañando petroli mas.
Un di nan ta Antigua
& Barbuda kaminda a
konfirmá ayera ku e pais
no ta hañando petroli mas
na preisnan mas abou i den
kua tin un komponente di
fiansa pa término largu
pa asina kubri e impakto
di fluktuashon di preis
di petroli. Analistanan a
atvertí for di kuminsamentu
ku e proyekto Petro Caribe
tin su riesgonan i den sierto
sentido nan ta hañando
rason.
Segun e informe,
Venezuela a stòp ku e
proyekto parsialmente
pa motibu di produkshon
abou di petroli. PDVSA ku
ta enkargá ku e proyekto
a suspendé den kareda
di 38 mil barí pa dia di
produktonan refiná na
8 di e 17 paisnan ku
ta forma parti di Petro
Caribe. E paisnan afektá ta
Antigua & Barbuda, Belize,
Dominica, El Salvador, Haiti,
Nicaragua, St. Vincent &
the Grenadines i St. Kitts &
Nevis. PDVSA sinembargo lo
sigui entregá produktonan
na Cuba ku ta e pais ku mas
a benefisiá di e proyekto.
Segun e akuerdo, Venezuela
ta bende produktonan na
diferente pais di Sentro-
Amérika i di Caribe na
preisnan faborabel. E
plan a kuminsá na 2005
ku Antigua & Barbuda,
Bahamas, Belize, Cuba,
Dominica, Granada, Guyana
(ku a sali for di e proyekto
pa motibu di diskushon di
frontera ku Venezuela),
Haiti, Hondúras, Jamaica,
Nicaragua, República
Dominicana, St. Kitts &
Nevis, Sint Lucia, St. Vincent
& the Grenadines i Sürnam.
Loke por konstatá awor
aki ta ku Venezuela no por
kumpli. Es mas, pa entregá
produktonan na Cuba e
kompania venezolano
a kumpra riba merkado
internashonal. Na febrüari,
mart i aprel di e aña aki
PDVSA a kumpra 4.2 mion
bari di petroli for di tersera
pa asina por sigui entregá
produkto na Cuba.
PDVSA ta pasando
den momentunan difísil.
Su kapasidat a kai
drástikamente. Awor