Page 46 - KPA

nan cu nan lo reuni cu mando policial, pa busca solucionnan riba problemanan grandi y
chikito.

Pa loke ta trata cambio di mando policial, Maduro a splica cu Korpschef tin e poder pa pone
un hende na un funcion nobo, pero e ta sinti cu mester drecha comunicacion entre tur dos
banda.

Segun Maduro, miembronan no ta contento cu cambio di Chef, specialmente e cambio cu a
tuma lugar diripiente, algo cu nan ta bay trece dilanti den nan reunion cu mando policial.

Otro preocupacion di polisnan ta cambionan di wardanan di polis y cierto warda ta keda
bashi, y Maduro a bisa cu e berdad ta cu mester di mas polis pasobra nan tin hopi trabao y
semper mester tin un backup.

Maduro a bisa cu aunke miembronan tabata cla pa drenta den accion, e ta kere den un
dialogo y negociacion, pa asina drecha comunicacion entre mando policial y SPA, y yega na
solucionnan.

Algun miembro di SPA a reuni cu Minister di Husticia, na unda esaki a bay bon, pero algun
tema a keda pendiente, y nan ta wardando yamada di Minister, aunke nan ta compronde cu
ta trata di un temporada druk y di eleccion, nan a logra un cita cu mando policial pa sinta
hunto y discuti problemanan den KPA.

Ultimo biaha cu SPA a expresa nan mal contento, nan a entrega un carta na Minister pa
asina soluciona nan problemanan, y nan a haya atencion di mando policial, pero a bolbe
yega momento pa sinta un biaha mas pa papia riba problemanan y busca solucion pa e
problemanan aki no bira mas grandi.