Page 29 - SJA

Empleadonan di Aruba Bank a
uni na Aruba Doet y percura pa
Plenchi na Emmaschool

13 March, 2017
0

Aruba Doet, e accion boluntario mas grandi di Reino Hulandes a tuma luga
diabierna y diasabra ultimo. Miles di boluntario a inscribi pa y a participa na e
demostracion di cariño pa instancianan den nos comunidad cu nan trabao duro
y dedicacion.
Coleganan di Aruba Bank un biaha mas a haci un yamada entre tur nan
coleganan pa uni na Aruba Doet y a scoge pa un proyecto hopi bunita. Un total
di 20 colega a inscribi como grupo y a gosa di un dia fabuloso na Emma School.
E scol aki a duna nan proyecto e nomber “Ban hunto gosa, hunga of bula den
renchi, cu weganan colorido riba nos plenchi”. E descripcion di e trabao tabata e
mantencion di weganan existente, y pa yuda agrega weganan nobo.
Na fin di e dia, e team di Aruba Bank a keda hopi contento cu e privilegio di por
a contribui na pone sonrisanan riba e caranan di e muchanan ora cu nan a yega
dialuna mainta y haya nan plenchi hopi bunita drecha.
E meta cu e scol kier a logra ta un plenchi colorido, atractivo y cu opcionnan
amplio pa recreacion, y esaki sigur a wordo logra.
Aruba Bank ta gradici Aruba Doet y Emma School pa e oportunidad di por a
contribui na e ambiente di e scol fabuloso aki.