Page 3 - GARAGE CORDIA - MAY 19 , 2015

Pagina 16 Diamars Mei 19 2015

Aruba Airlines a regala tur empleado cu ta mama, un
dushi brunch na Radisson Aruba Beach Hotel

Diadomingo, 17 di Mei,
gerente di Aruba Airlines a
regala tur empleado cu ta
mama un dushi brunch, na
Laguna Restaurant situa
na Radisson Aruba Beach
Resort. E mamanan sigur
a wordo bon malcria pa e
waiternan atento, mientras
nan tabata disfrutando di
un dushi brunch. Francis
Jacobs a entretene e
mamanan cu un dushi
ritmo musical.

E mamanan a goza
un mundo cantando y
bailando riba e dushi ritmo
musical di Francis Jacobs.
Durante e brunch, gerente
di Aruba Airlines a parti
regalo pa e mamanan
y tambe a organiza un
rifa unda dos mama a
gana un bunita premio.
E empleadonan tabata
masha contento y sigur a
disfruta di un merdia hopi
ameno.

MEP A ENTREGA
AUTO NA GANADOR

Siman pasa Lider di partido MEP hunto cu coleganan di
partido a entrega e auto na e ganador di nr. 06401.
E number a wordo bendi pa candidato Rudy Richardson
pariba di brug.
Diasabra dia 9 di Mei partido MEP a rifa un auto Hyundai
2015, un rifa cu por cierto a wordo hopi bon bendi.
Sra. Geerman di Brazil, a gana e auto y bin busca esaki
den presencia di su famia na Garage Central.
“Pabien na sra. Geerman y su famia cu e premio aki, y
danki di curazon pa aporta na nos fundraising.
E rifa tabata hopi bon bendi, mihor cu varios otro cu
MEP a organiza y nos ta hopi agradecido na tur esnan
cu a duna nan aporte. Nos ta spera cu famia Geerman
por tin hopi gozo di e auto nobo”, tabata palabranan di
lider di MEP, mr. Evelyn Wever-Croes.