Page 20 - AWEMAINTA
P. 20
20 AWEMainta Diabierna, 13 Maart 2020
Un persona herida den accidente
riba Stadionweg cu Rumbastraat
DIAHUEBS mainta pa mas o menos 8’or, Polis y
ambulance a bay e cruzada patras di Cas di Cultura,
unda dos auto a accidenta.
Na yegada di Polis, nan a topa cu un Honda Pilot y un
Nissan Tiida. Por a mira mesora cu falta di preferen-
cia tabata e factor principal den e accidente aki.
Debi cu e Honda Pilot a dal contra porta di e chauffeur
di e Tiida, e chauffeur a resulta levemente herida. Na
yegada di ambulance e chauffeur di e Tiida por a sali
riba su mesun forsa, via e porta di pasahero y cana
subi ambulance.
Paramediconan a atende cu ambos cabayero n’e sitio.
Takelwagen a presenta pa move un di e autonan cu no
por a move mas riba su mesun forsa.
