Page 46 - AHATA

delegacion di e ministerio. Venezuela a keda representa pa e vice presidente ehecutivo

Tareck El Aissami y y su comitiva. Despues di e reunion, a firma un cooperacion

bilaterial entre e vice presidente di area economico y e mandatario Hulandes.

Esaki a tuma luga despues cu e minister Hulandes a tene un conversacion cu su

homologo di Venezuela, despues di a consulta cu e islanan, tanto separa como reuni den

reunion na nivel di reino diahuebs na Corsou, pa firma e declaracion di dia 12 di Januari

ultimo, cu ta percura pa e frontera wordo habri y pa bolbe na normalidad.
Stef Blok a expresa durante su discurso cu un gradicimento na e autoridadnan

Venezolano pa haci e reunion aki posibel cu poco tempo di antisipacion.

Venezuela ta un bisiña importante pa Reino Hulandes. E lasonan historico, economico y

cultural entre Reino Hulandes y Venezuela, ta constitui e base di nos relacion bilatera. Ta

importante pa sostene dialogo den tur momento, hasta bao di circunstancianan dificil.

E minister ta contento di tabata tin e oportunidad pa reuni cu e vice Presidente El Aisami

y e Minister Carlos Soteldo y discuti varios punto cu ta toca e relacionnan bilaterial.

E minister ta sigui splica cu tambe nan a firma un acuerdo riba cooperacion bilateral pa

atende asuntonan fronteriso, incluyendo contrabando y migracion y pa inmediatamente

restaura e conexionnan di transporte entre Venezuela y e islanan den Reino.

E acuerdo aki tambe lo contribui na reestablece e conexionnan regional di Caribe. Esaki
ta importante pa tanto Venezuela, en particular Falcon, como tambe e parti Caribe di

Reino.

E documento ta provee un marco pa duna continuidad pa e esfuersonan, den comisionnan

tecnico, cu ta rekeri cu ambos parti traha en conhunto pa su implementacion.

E minister tin confiansa cu firmamento di e acuerdo aki y e reapertura di e fronteranan, lo

facilita mas cooperacion, como tambe reforsa e relacionnan pa beneficio di amblos

pueblo.

Esaki, segun e minister, ta un paso hopi importante.