Page 3 - KPA DEC 30,2015

Hoben a hinca mayornan den gasto tirando clapchi y kibrando windshield di auto di bisiña
cu donderboos
Tuesday, 29 December 2015 22:26
Comparti

Pa e muchanan ta un alegria e temporada aki tirando clapchi. Asina mes e por bin cu su consecuencianan
tambe. Tin hende ta haya molester pa e trankilidad cu nan ta desea den nan vecindario of tambe pa nan
bestianan na cas.
Den e caso aki Polis a wordo yama pero pa un destruccion cu a tuma lugar na un adres na Papaya.
Diamars anochi esaki a sosode. Ora cu Polis a yega na e adres a papia cu un bisiña cu a splica cu e otro
bisiña su yiu durante tiramento di clapchi a causa daño na su auto. E windshield a kibra ora cu e clapchi a
explota cerca di e auto. E bisiñanan a papia cu otro pero den e proceso e diferencia di opinion a presenta
riba e forma cu kier a paga pa e windshield. E bisiña doño di auto tabata poco rabia y tabata desea pa e
windshield wordo paga mesora. E otro bisiña a splica cu e no por paga e gastonan den un solo biaha.
Finalmente den presencia di Polis a logra yega na otro y gastonan lo wordo cubri.