Page 8 - AWEMAINTA

8 AWEMainta Dialuna, 11 November 2019

Tres herido den accidente riba brug di Piedra Plat

DIASABRA anochi algo pasa di 7:30 un biaha mas un ac-
cidente frontal a tuma luga ariba e brug di Piedra Plat. Esaki

tabata di dos biaha e fin di siman aki cu un accidente a tuma
luga riba e brug. Por bisa practicamente na e mesun punto.

Diasabra anochi e autonan envolvi tabata un Toyota Yaris y

un Honda right hand drive. Na nos yegada ya e chauffeur di e
Honda rhd a ser pasa den e prome ambulance cu a yega na e

sitio.
Mescos diabierna materiaalwagen a ser pidi pa asina yuda e

Paramediconan saca chauffeur(33) di e Yaris cu a resulta esun
di mas herida.

E cabayero aki tabata keha di hopi dolor. Por mira cu durante
e impacto el a dal den e stuur cu a keda basta dobla. A dura

casi 10 minuut pa logra saca e cabayero, ya cu mester a corta e
porta y algun parti mas di e auto Yaris.

Na e sitio por a mira polis di departamento tecnico, pa saca e
fotonan necesario pa nan por uza den nan investigacion.

Ariba caminda por a mira un marca di brake basta largo, no

ta conoci si e esaki ta di e accidente di ayera of di Yaris color
blauw cu a accidenta diasabra anochi.

Tin diferente version di con e accidente aki a tuma luga. Un di
nan ta menciona cu e dos autonan biniendo for di Piedra Plat

bayendo direccion di Sta Cruz tabata pusta of tabata trata di
pasa otro. E di tres auto, cu lo ta un Alteeza, no a accidenta.

Hecho ta cu e chauffeur di e Toyota Yaris no a logra bay na
su banda bek na tempo. El a hay’e confronta frontalmente cu

trafico contrario. Prome cu ambulance a yega na e sitio, e se-
ñora cu tabata den e auto Honda, hunto cu su tata, a bay for di

e sitio pasobra su yiu di 2 aña tabata den e vehiculo y el a dicidi
di bay hospital mesora cun’e.