Page 3 - MIN ON DEC 18,2015

Minister di Enseñansa hopi contento y satisfecho cu: Alumnonan di Mon Plaisir ta pionero
cu “Hour of Code”

Thursday, 17 December 2015 19:27

Comparti

Alumnonan di 6de klas na Mon Plaisir College, hunto cu Setar N.V., Biblioteca Nacional y algun
organisacion a haci e prome aña di “Hour of Code” un realidad na Aruba.
Esaki Ta un iniciativa cu a nace na Merca bao di e capa di 21 century skills, e habilidad nan relaciona cu
IT, loke ta wordo mira como un abilidad esencial pa studiantenan domina.
E no ta un hobby of e no ta algo cu ta pa algun, sino unda cu a nota cu den e siguiente generacion, e ta bay
ta necesario. Ta mescos cu lesamento. E ta bira un habilidad cu ta simplemente necesario pa tur e
generacion aki tin y cu ta yuda nan e ora ey yega na cierto metanan cu nan tin pa loke ta trata profesion,
pa loke ta trata nan posibilidad pa haya miho trabao. E ta un habilidad esencial.
E mandatario a sigui splica cu pa yega eynan mester inverti den e tempo cu e studiante ta haya acceso na e
posibilidad di code y kico ta code. Por a nota cu esey ta rond di wega, pero mas cu claro tin diferente tipo
di programa cu na final nan lo por yuda code. Esaki ta un proyecto cu companianan manera Google,
Facebook, Microsoft y otro na Merca ta inverti placa pa contribui na desaroyo di hobenan rond mundo.
Mon Plaisir College a tuma e iniciativa pa registrata, y tur alumno den Juffrouw Muriel Brown-Roos a
haya un oportunidad pa haci ricibi e training y despues e posibilidad di code diferente wega. E
programa por wordo continua despues, cu no Ta solamente Mara na un Ora specifico. Esey ta haci’e algo
cu tur scol lo por eventualmente combina cu un curiculo.

Lo cuminsa na Januari pa mira e posibilidad pa crea un sistema, unda tur e diferente scolnan por
participa. Mas cu claro un culminacion pa December atrobe, otro aña, unda cu ta mira un grupo, un sala
grandi, of hasta otro caminda.
Minister Michelle Hooyboer-Winklaar ta hopi contento di tabata na Biblioteca pa e evento aki. El a gradici
Setar cu a yuda guia e proceso aki cu un training pa boluntarionan, cu a siña pa e ora ey yuda alumnonan
di 6de klas. Tin diferente beneficio cu ta sali for di un proyecto asina. E mandatario ta contento
pa mira un docente manera Murielle Brown-Roos, cu ta tuma tur oportunidad pa siña y pa suministra su
alumnonan cu mas informacion.
Peter Schooling, beleidsmedewerker na Biblioteca Nacional, a enfatisa cu e iniciativa aki ta uno hopi
bon. E proyecto a cuminsa for di dialuna ultimo y tin cu bisa cu e muchanan ta hopi entusiasma. Pa hopi
di nan, e weganan ta conoci caba, ta entre otro Flappy Bird, Minecraft, Frozen y nan ta hopi bon bezig. Tin
di nan cu nunca a mira Code of con pa programa. Nan ta siña pa uza blocks pa cuminsa cu accion,
reaccion, si nan ta haci cierto cos, si nan ta klick e Flappy Bird pa e por flap su halanan y
den algun minuut nan sa caba con pa haci’e. Tin di nan cu ta caba e programacion di un wega den 15 pa
20 minuut caba.
Hour of Code, ta nifica cu nan tin full un ora pa haci e programacion. Ora nan ta cla cu flappy bird, nan ta
sigui cu otro cu ta Minecraft. Ta hopi orguyoso cu por host e evento aki na Biblioteca, conhuntamente cu
Aruba Digital System, Setar, Mon Plaisir Basisschool y tambe alumnonan di Colegio.
Programacion/coding ta algo hopi tecnico, pero e skillset cu ta envolvi ta hopi basico. Ta “logisch
redeneren”, Scholing a enfatisa.
E proyecto aki lo sigui sigur otro aña. Ta spera di envolvi mas scol. Tin cu papia bon cu partnernan, pero
ta kere cu tur hende ta asina entusiasma cu kier sigui sigur, Scholing a conclui.