Page 9 - HOH

30 FUN FACT AWEMainta Diaranson, 4 December 2024

Come keshi por yuda reduci

roncamento y riesgo di sleep apnea

UN investigacion reciente publica den e revista Sleep
Medicine pa cientifico Chines, ta indica cu e consumo di keshi

por ta relaciona cu un disminucion den e riesgo pa sufri di
sleep apnea, un trastorno cu ta afecta mas di 936 miyon di
persona na mundo. Segun e estudio, come keshi regular-
mente por reduci den un 28% e probabilidad di desaroya e

condicion aki.

Aunke no tur cu ta ronca ta sufri di sleep apnea, ambos
condicion sa ta relaciona y roncamento intenso por ta un

indicador di mayor riesgo. Den cuadro di esaki, e estudio,
realisa cu 400 mil persona na Reino Uni, a haya un relacion
inverso entre consumo di kesho y e riesgo di sleep apnea.
E investigadonan ta señala cu e relacion aki ta debi en parti

n’e influencia di biomarcado como testosteron y e presion
arterial diastolico.

Sleep apnea ta caracterisa pa interupcion ripiti di respi-

racion durante soño, loke ta conduci na problema manera
malesa di curason, trastorno metabolico y deterioro cogni- tivo. Durante varios aña, a recomenda n’e roncadonan evita
producto lacteo manera keshi prome cu drumi, ya cu a
pensa cu e lo aumenta e produccion di slijm y tabata blokia

e vianan respiratorio. Sinembargo e investigacion nobo aki
ta destaca cu keshi ta contene nutriende clave, manera
proteina, calcium, acido vet y vitamina, cu por mehora e
salud metabolico y cardiovascular, ambos factor relevante

den e prevencion di sleep apnea.

E autornan di e estudio ta subraya cu e hallazgonan aki ta
resalta e importancia di considera intervencion dietetico

como parti di e strategianan di salud publico pa reduci e
riesgonan asocia na sleep apnea. N’e conterario di e reco-
mendacionnan anterior, inclui keshi den e dieta por converti
den un aliado inespera pa mehora e calidad di soño y salud

general.

E descubrimento aki por marca un cambio den e recomen-
dacionnan dietetico pa esunnan cu ta sufri di roncamento of

sleep apnea, habriendo posibilidad nobo den e prevencion
di e trastorno aki.