Page 123 - MIN JUS

E 154 matanan di marihuana cu a wordo haya na cas di Marcolino C. jr no ta mustra

claramente cu ta trata aki di un negoshi cu tabata wordo haci.

Esaki tabata e conclusion cu Corte a yega na dje diahuebs mainta despues cu e tratamento

di e caso a tuma luga algun siman pasa.

E caso aki a tuma luga na final di 2016 ora cu durante un detencion a bin descubri na un

cas na Sabana Liber un cultivo basta grandi di marihuana. Loke a hala atencion cu e cas
aki ta of tabata di un Abogado cu mientrastanto a fayece.

Diahuebs mainta den Corte Huez a informa e acusado cu e ponencianan treci dilanti door

di su Abogado a keda rechasa. Pues nan no a logra demostra cu e plantacion di marihuana

tabata exclusivamente como medicina pa yuda e tata di e acusado cu su dolornan di

cancer.

A wordo mustra na e acusado cu no ta algun pero 154 mata di marihuana a wordo haya

na e sitio. Den combinacion cu e cantidad di hendenan cu tabata drenta y sali di e cas,

papelnan haya riba cual ta wordo haci calculacionnan di peso di marihuana y loke esaki

ta costa, ta mustra mas bien den direccion di un negoshi di benta di marihuana. Corte

tambe ta bisa cu nan por kere si cu e acusado tabata yuda su tata tambe cu e cultivo aki,
pero cu e no tabata exclusivamente cu e meta ey. Pues e no ta algo cu lo por cay bou di

“gedogen beleid” manera tin na Hulanda.

Na final e acusado no mester bay sera bek pasobra el a wordo condena na 190 dia di

castigo, kitando e tempo cu el a pasa cera caba, cual tabata 10 dia, y 180 dia condicional.
Si den dos aña di tempo e bolbe haya su mes envolvi den un caso manera esaki, violacion

di ley di droga, e lo mester bay sinta e resto di 180 dianan.