Page 70 - MIN JUS

El a splica cu a traha hopi duro durante e ultimo 8 añanan. A prepara nan hopi bon.

Dowers ta bay, pero e trabao ta sigui. Tur hende sa cu hende ta bin y ta bay. Pero ta bin si

pa prepara e departamentonan pa nan por sigui bati y suta contra e abusadornan cu tin na

e pais aki. A yega topa un situacion completamente for di man 8 aña pasa. A traha pa crea

un base solido pa pone e departamentonan funciona, pone hopi medio disponibel. Pone

bastante miyon. 100% mas miyon a bay den cuerpo policial compara cu e periodo prome

cu esaki y a laga hopi departamento. Un di e departamentonan cu ta lagando hopi hende
den baho mundo y hasta politica ta tembla, cu hasta nan a perde nan principio y rumbo y

awor aki a cera pacto cu nan enemigonan mortal pasobra nan kier mira si nan por para

cierto di e trabaonan cu e gobierno aki a haci. Ningun di e trabaonan aki por wordo para

mas y e departamentonan aki lo sigui duna resultado.

Den weekend a duna baho mundo un sla hopi bon. Y tambe por a mira cu e

departamentonan nobo, manera afpak team tambe a bin den accion mesora y a mira e

resultado. Ta spera hopi mas di e departamento aki den futuro. Ta spera cu e

departamentonan aki lo keda funciona integro y optimal manera cu nan a bin ta funciona

y por sigura cu partido MEP, aunke cu di nan hendenan ta gruña caba, no lo por para e

trabaonan cu ta wordo haci.

A pasa aña di eleccion hopi duro pa loke ta trata crimen. Tabata tin hopi crimen cu a

wordo anuncia cu no a tuma luga y hopi crimen tambe cu a tuma luga cu despues a

resulta cu ta hendenan liga na e politiconan tabata envolvi den e crimennan aki y mira

segun cu yega cerca di eleccion cu a cera mayoria di nan y awor aki, despues di eleccion

pa mira cu nan a para, pasobra cu nan no tin interes mas.

Dowers ta sigur cu e hendenan aki a haya nan training y motivacion di e politiconan cu

nan lo sigui comete crimen na momento cu nan sali for di KIA. Pero e departamentonan

ta cla pa nan.