Page 30 - MIN TTC 17 DEC 2015

12 AWEMainta Diahuebs, 17 December 2015

Comercio ta perde ANDIN Bikker, den conferencia di prensa, diamars
di 30 pa 50% di
benta pa motibo di a bisa cu e Gobierno aki ta gusta core tras di debchi
parkeer meters! anto perde florin den e proceso.
Biker a splica cu Gobierno a introduci e sistema di
parkeermeters y por constata cu e gremio comercial
a yega na porta di Gobierno bisa e Minister pa bise
cu nan ta perdiendo di 30 pa 50% di entrada, e
ultimo lunanan aki, netamente dor di introduccion
di parkeermeters.

Gobierno ta gana un florin pa cada mey ora cu bo
ta tira un florin den e machine di e skina ey, y e
comerciante ta perde entre 30 pa 50% di benta, y
alabez Gobierno ta perde entrada na BBO, BAZV,
Loonbelasting ora comercio ta kita hende fo’i
trabao, ademas ta perde Winstbelasting. Djis pa
gana un florin pa mey ora ta perde miyones di otro
banda.

Andin Bikker a bisa cu e Gobierno aki ta tipifica cu
e monton di impuesto chikito cu a bin cune entre
otro riba huurmento di auto, bromer, etc.
Cu esaki Gobierno a haya apenas 1.3 miyon y esaki a
crea un proceso administrativo dobel cu yenamento
di otro papel cu tin cu entrega na belasting cada 15
di luna y nan ta lubida ta haya aanslag.

Segun Bikker cu hasta e por menciona otro belasting
inecesario cu ta e Koerswinstmargin, caminda cada
bez cu cambia dolar of otro baluta na banco bo
mester paga pa Gobierno haya un pida di dje.

Di otro banda Centrale Bank a bisa cu e mester
haya mas entrada pa ehecuta tur e tareanan cu
Gobierno a pone riba nan, pero awor ta resulta cu
den su presupuesto supletorio Gobierno a haya cu
Centrale Bank a gana 2.3 miyon di mas y nan kier
e entrada aki, y Bikker ta puntra su mes pakico si
Centrale Bank tin placa di mas Gobierno a bin cu e
Koerstwnstmargin aki?

Bikker ta bolbe bisa cu Gobierno ta core tras di
debchi pa perde florin, y e asunto di parkeermeters
aki tin pueblo indigna y comercio ta reclama cu nan
tin perdida di ganashi p’e motibo aki.
El a splica cu e comerciantenan no ta haci ganashi
na granel, pasobra esaki ta bin pa temporada y net
ora nan ta perde di 30 pa 50% di nan ganashi nan
ta perde e pakico nan a lanta e negoshi, pa gana
den cierto temporada.

Segun PDR e comerciantenan afecta a traha un
aña por nada y esey no tur hende ta compronde y
menos e Ministernan cu e ta kere nan no a traha
suficiente den sector priva.
Na su opinion e hecho cu Prome Minister a bin duna
algun dia off riba pago di parkeer ta pasobra el a
admiti cu esaki no ta bon pensa ni bon ehecuta y
cu sigur pueblo mes ta yame pa reclama cu el a bin
cu algo cu no ta funcionando.