Page 5 - AVB
P. 5
18 AWEMainta Dialuna, 23 December 2019
Parlamentario Alan Howell:
Sucursal di AZV lo habri bek na San
Nicolas entrante januari 2020
PARLAMENTARIO Alan Howell cu sumo placer a anuncia na comu-
nidad en general y en especial na esnan di pariba di brug cu AZV lo sigui
brinda su servicio na San Nicolas y esaki lo reinicia entrante januari 2020.
Despues cu a sucursal di AZV a cera su portanan pariba, Alan Howell
a comunica cu Minister di Salubridad pa haci todo loke ta na su al-
cance pa habri e portanan di e sucursal aki bek y awo a haya e grato
noticia cu esaki lo tuma lugar entrante otro luna. Unda e sucursal aki
lo habri lo wordo anuncia despues, mescos cu e forma den cual lo sigui
brinda e servicio.
“Mi ta di acuerdo cu digitalisacion ta bon, pero mester tene cuenta
cu specialmente nos hendenan di edad no ta mucho bon den e tema
di bay online, pesey ta importante pa nan por tin un lugar cer-
ca unda nan por haci nan diligencianan necesario”, Howell a incia.
Na final el a gradici Minister Dangui Oduber y specialmente Director
di AZV pa su comprension pa cu nos hendenan di pariba.
Haci transaccion na self-service di Aruba Bank
Express Branch y ricibi koffie di Juan Valdez
RECIENTEMENTE Juan Valdez a
habri un tienda nobo bandi Aruba Bank
Mainstreet Express Branch. E dushi koffie
aki ta sigui expande na Aruba y ta disponi-
bel tambe pa clientenan di e banco cu ta car-
ga nomber di nos isla.
E prome cliente cu a ricibi e prome treat di
Aruba Bank ta Yajaira Maduro-Quintero.
Cu e cliente den mente, Aruba Bank a dicidi
di sorpresa su clientenan cu haci uzo di e
self - service area cu un voucher pa busca un
dushi koffie na Juan Valdez.
Aruba Bank ta invita clientenan pa yega na
nan Mainstreet Branch, haci uzo di e servi-
cio online y ricibi un voucher pa pasa buska
un dushi koffie di Juan Valdez.
