Page 31 - 27Jan23

DIABIERNA 27 JANUARI 2023 DIARIO PAGINA 31
Ladron a bay
cu basta placa

for di Van
staciona na

Mangel Halto

ORANJESTAD (AAN):
Diamars anochi pa 7:00 pm,
un unidad di Polis di San Ni-
colas a ser manda na Mangel
Halto pa check un caso di
kiebro den auto.
Polis a yega y papia cu
un turista di inicial S. E ca-
bayero aki a declara cu na
Aruba, el a huur un full-size
Van grandi di marca Chevro-
let Express color shinishi. E
turista S. a bisa cu e ta na Ar-
uba cu su famia di vakantie,
y Dialuna venidero nan lo ta
regresando nan pais.
Diamars anochi trempan pa
6:00 pm, e turista a staciona
e Van ey na Mangel Halto.
El a laga e vehiculo na lock y
intacto, y a bay na e beach.
Despues ora cu S. hunto
cu su famia ta riba beach, el
a mira un homber desconoci
cu ta cana nan tras. Aki ta
unda cu e turista S. a mira cu
e homber aki ta tover riba un
smartphone.
Banda di 6:45 pm ora cu nan
a bay bek na nan Van, e turis-
ta S. a bin nota cu descono-
ci a kibra e bentana banda
robez dilanti di e porta. El a
bay check paden di e auto, y
a mira cu Polis a bay cu su
heuptas blauw cu ta contene
3.000 Dollar, un credit card,
y su rijbewijs mericano.
A bin nota cu ladron a bay
cu e cartera maron di su ami-
go tambe. Den e cartera ey
e tabatin 600 Dollar, un ri-
jbewijs mericano, y un credit
card.
E turista S. a cana rond di
e Van, y aki a bin topa cu un
nummerplaat di Aruba benta
abao.
Tambe e turista a bay con-
trola den su mesun smart-
phone, pasobra e turista a
graba basta video riba beach.
El a revisa e video pa mira
si acaso el a capta e homber
desconoci cu a bin cana ban-
da di nan. Y enberdad esey a
resulta di ta e caso!
Awor Polis tin imagen di e
persona cu a wordo capta, cu
lo por ta envolvi den e kie-
bro y ladronicia aki. Polis a
tuma e keho, y awor tin aten-
cion pa e caso.