Page 4 - AHATA

6 LOCAL AWEMainta Diamars, 15 October 2024

Aruba ta cancela reunion IPKO di Januari

FOR di dia 8 te cu 10 di Januari 2025, Aruba lo tabata sede
di e siguiente reunion Interparlamentario di Reino pero esaki
a keda cancela riba peticion di Aruba mes.

Esaki a wordo informa na Den Haag, caminda a mustra cu
riba peticion di Presidente di Parlamento di Aruba Raymond
Kamperveen y lider di delegacion di Aruba Hendrik Tevreden
lo a informa Presidente di Comisionnan di Relacionnan di

Reino di tanto Eerste- como Tweedekamer di e decision aki.

Segun e carta di Presidente Kamperveen e decision aki lo tin
di haber p’e hecho cu dia 6 di december proximo lo tin elec-

cion pa Parlamento loke ta nifica cu pa dia 8 di januari di
2025, e miembronan nobo lo tin cu wordo huramenta loke ta
pone cu lo ta dificil pa organisa e sesion di IPKO aki.

A ser palabra cu dia 21 di october proximo, e lidernan di e
delegacion di e paisnan participante, lo tene un conferencia
digital caminda lo discuti y kisas haci palabracion pa un otro
fecha p’e reunion aki.

Tur cos ta mustra cu e reunion aki lo no yega na un conclu-
sion satisfactorio ya cu na luna di maart di 2025, ta pueblo
di Corsou lo bay urna electoral pa eligi un gobierno nobo

mientras cu e delegacion di Hulanda, solamente por atende
e reunionnan aki den e periodo cu nan ta den reces.

Segun por a compronde e delegacion di Aruba ya lo tabata

forma caba, esta kende lo tabat’e parlamentarionan cu lo
a atende e reunion na luna di januari 2025 pero e decision
di lider di MEP pa pone un fin n’e gobierno di coalicion cu
partido RAIZ, a trece cambio den esaki.

Manera e situacion cu tin n’e momentonan aki, por spera
cu e proximo reunion di IPKO lo por ta posibel, te memey di
otro aña sea na luna di juni of juli.