Page 7 - AVB

Ing. Richard Dijkhoff a fungi como "Match Commissioner"

Sunday, 09 July 2017 19:08
Comparti

Diasabra ultimo a tuma luga e wega entre Merca y Panama den Nissan Stadium na Nashville, na
Tennessee. Specialmente pa e wega aki, CONCACAF a invita Ing. Richard Dijkhoff, Presidente di
Arubaanse Voetbal Bond
, pa fungi como e "Match Commissioner" hunto cu e "Referee", "Assistant Referee 1", "Assistant Referee
2" y e "Fourth Official", cu tur tabata procedente di Mexico.

E wega aki a conta cu masha interes, cu un stadion yen cu casi 48 mil fanatico, mientras cu e dos
canalnan di television Univision y Fox Sports transmitiendo e wega den forma bibo. E wega a termina
empata na 1 pa Merca y Panama.

Ta bon pa conta cu e aña aki ta di 14 edicion CONCACAF Gold Cup di Norte, Centro America y di Caribe.
Tambe e ta di 24 campeonato total di CONCACAF den e region. Un total di 12 ekipo ta participa durante
e weganan cu ta tuma luga na 14 diferente stadion den Merca.

E weganan a cuminsa dia 7 di juli y e wega final lo ta dia 26 di juli proximo y cu Merca como pais
anfitrion.

A funda Arubaanse Voetbal Bond (AVB) na aña 1932 y a afilia na CONCACAF na aña 1986 y despues na
FIFA na aña 1988. E ta e organisacion cu ta maneha futbol amateur y profesional riba nos isla,
incluyendo e A funda Arubaanse Voetbal Bond na aña 1932 y a afilia na CONCACAF na aña 1986 y
despues na FIFA na aña 1988. E ta e organisacion cu ta maneha futbol amateur y profesional riba nos
isla, incluyendo e muchanan, hoben, hende muhe y adultonan. E ta responsabel pa sanciona e refereenan
y e torneonan di futbol organisa pa mayoria liga. Nan oficina ta situa den Compleho Deportivo Frans
Figaroa na Noord.