Page 19 - HOH dec 28,2015

Dialuna 28 December 2015 Pagina 23

Solo di Pueblo... Noticia...

Hoben tira den braza
dilanti Pacifico na
Tarabana

Diahuebs atardi polis ta bay cu urgencia dilanti Pacifico
na Tarabana, pa un persona cu a ser tira.

Na yegada e persona a core direccion Mandolinstraat cu
ta situa dilanti Pacifico y ta drenta un adres bay sconde.
Ambulance mientras tanto a yega na e sitio pa trata e
hoben. Polis a compronde cu ta dos homber den un auto
blauw chikito a acerca su persona cu tabata para dilanto
Pacifico y nan a bise segun el’a conta polis cu nan a
bay tire. Un di e hombernan den auto a saca un arma di
candela y tira; esaki ta gare den su braza. Despues di a
los e tiro, e dos hombernan den auto ta bandona e sitio.
E area a wordo cera pa asina autoridadnan competente
haci nan investigacion. E hoben a ser transporta pa
Hospital.

Hoben riba quadracer
sin documento a dal

riba auto

Diasabra merdia riba Caya
Musica un menor di edad
tabata draai cu quadracer pero
no por a controla e stuur y a
perde control dal riba un auto
staciona banda di caminda.
Patruya di trafico a presenta
na e sitio y a tuma nota di daño
y a resulta cu e manehador
di e quadracer ta un menor
di edad y e quadracer no tin
ningun documento cune cu
consecuencia polis a tuma
esaki den beslag.