Page 14 - AM220922
P. 14
Comunidad AWEMainta Diahuebs, 22 September 2022
Stichting Musica ta trece Aruba
Caiso & Soca Monarch den bario!
tichting Musica ta den pleno preparacion
S trahando cu hopi entusiasmo riba nos Fes-
tival 2023.
Durante reunion exitoso cu lidernan di bandanan,
sponsornan y Smac, a palabra e cambionan cu
ta wordo introduci pa e siguiente temporada di
Carnaval 69.
Preparacionnan a cuminsa pa un tempo caba
y Stichting Musica ta hopi satisfecho di por
anuncia cu e Aruba Caiso & Soca Monarch lo
cuminsa den luna di November cu e final lo ta na
fin di januari 2023. Un cambio cu lo tuma luga ta
cu Caiso Soca lo drenta den nos barionan.
Den luna di november respectivamente 12, 19 y
26 lo tuma luga e pre-final cu lo keda presenta
den Centro di Bario Dakota, Centro di Bario
Playa Pabao y Centro di Bario Brasil. Esaki ta
encera cu nos musiconan ya caba ta preparando
pa competi den e barionan den proximo luna
di November, dunando amplio espacio pa cada
produccion resona y biba den pueblo.
Na januari 2023 lo continua cu e musica y e
ambiente di Caiso y Soca finals. Aruba Caiso &
Soca Monarch finals lo tuma luga diabierna 27
di januari y e gran competencia final di “Super
Soca Saturday” lo ta diasabra 28 di januari,
2023.
Nos ta sumamente entusiasma pa nos rueda di
prensa oficial unda Stichting Musica lo informa
tur e detaye nan di Aruba Caiso & Soca Monarch.
Cu esaki Stichting Musica ta informa nos dushi
pueblo tur desaroyo nan relata na e festival di
mas grandi di Aruba.
14
