Page 2 - AM200408

2 AWEMainta Diaranson, 8 April 2020

Pick up a pega candela despues di impacto

frontal cu un truck riba brug di Balashi

DIAMARS atardi algo prome cu 3’or informacion
a drenta na 911 di un accidente hopi serio riba e

brug di chikito Balashi. Informacion adicional a bisa

tambe cu tin hende herida y un auto na candela.
Enberdad na yegada di prome unidad di Polis a con-

stata cu tin un auto na candela, y pa manda Brand-
weer y Materiaalwagen. Ambulance mientrastanto

tambe tabata na caminda.

Mesora a bay over na cera ambos banda di e brug,

manera altura du Casa Cuna y e parti cu ta bay
pa The Palm Island. E accidente a sosode entre un

truck di carga y un pick up.

N’e sitio por a mira cu e pick up tabata bahando e
brug for di pariba, y dado momento el a dal frontal

contra e truck.

Un impacto basta duro porcierto, unda e pick a bira
para cara panort den un espacio chikito.

Aki ta unda e pick up a pega candela y ta kima com-
pletamente. Brandweer na yegada a paga e candela,

evitando p’esaki no pasa over p’e truck.
Specialistanan di Trafico a presenta y despues cu

Brandweer a termina cu nan a trabou a cuminsa

haci nan investigacion.
Paramediconan a controla e chauffeur kende a sali

ileso for di e accidente aki por a resulta peor si el
a keda pega den e pick up. Caminda a permanece

cera y te algo prome cu 4:30 p.m a habri e brug bek.