Page 26 - AVP

director, e compania ta kedando sin placa pa paga salario ni bashi-premie, pero e ta
sigui zwaai placa pa loco rond cu sponsorships na nomber di Serlimar.

Diego de Cuba a bisa cu Sindicato STA a wordo poni na altura caba door di nan

miembronan pa cu e situacion aki. A sugeri pa start un accion di firma pa asina haya
sa ta cuanto empleado ta opinando mescos.

Pero algo a caba di socede recien, y Sindicato STA ta denunciando cu algo cu e Director

di Serlimar SG a haci recien, ta viola leynan internacional di ILO (International Labor
Organization).

A sali na cla cu e Director di Serlimar SG a yama un di e delegadonan di Sindicato aden,

violando tur regla di ILO.

Ora cu un delegado of shopsteward di un compania ta eherciendo su labor sin cu e ta
perhudica e compania, bo no por bay menaze y trate na e forma cu e Director a traha e

empleado.

Sindicato STA a mustra cu nan ta condena esaki totalmente.

STA ademas a ricibi un carta tambe di e director cu un monton di punto menciona
aden, cu e Sindicato no sa mes di unda el a sali cu nan. Pero STA lo no bay haci caso
di e carta ey, como cu e no ta ‘slaat op niks neer’. Loke ta poni den e carta, no ta
concerni e Sindicato.

Sinembargo ta inaceptable cu Director di compania ta bay menaza delegado of
sindicato, e tin di corda cu tin leynan internacional cu ta proteha e sindicalistanan y
shopsteward di tur organizacion sindical na Aruba.

STA y abogadonan a check e contenido di e carta, y a conclui cu no ta ni vale la pena
contesta e Director di Serlimar, pasobra nan organizacion tin ni arte ni parte di loke el a
skirbi den e carta.

Awor ta e trahadornan mes ta dicidiendo kico nan kier. Si nan no kier e Director mas
como lider di e compania, esey lo bay ta nan decision.