Page 56 - AVP
P. 56
Dependiendo di e contenido di e caso y experiencia di nos hobennan hurista den
opleiding ta brinda e asistencia rekeri.
Hopi demanda tin pa por ehempel bezwaarschriften contra di cobransa di impuestonan
cu ciudadanonan ta concidera inhusto.
Tin ciudadano ta acudi na Tienda di ley tambe ora cu nan confronta problema laboral.
Dependiendo di e circumstancianan concreto ta brinda e asistencia na e ciudadano. Cu
orguyo nos por bisa cu nos huristanan den opleiding a logra brinda asistencia efectivo
den e casonan aki.
Den cierto caso specifico trahadornan cu a wordo manda cas a hasta logra haya nan
trabou bek. Pa nos esaki ta un logro y ta un satisfaccion inmenso.
Den aña 2019 e team di Tienda di Ley a sigui desaroya y miembronan a crece den
experiencia, conocemento, academicamente y profesionalmente. Nos kier a gradici
comunidad pa e confiansa y ta sigi brinda nos servicionan den e aña nobo.
En conneccion cu dia di Betico, nos kier a anuncia cu lo no tin Tienda di Ley dia 25 di
januari. Tienda di Ley lo continua di duna su servicio na tur ciudadano dia 8 di februari
2020.
https://www.diario.aw/2020/01/sesionnan-di-tienda-di-ley-lo-continua-8-di-februari/
