Page 57 - KPA 2 MARCH 2016

Pagina 16 Diarazon 2 Maart 2016

Ladronicia den cas na
Tierra del Sol

Dialuna, pa mas of menos 11’or y 35 di mainta, Central
a dirigi patruya di Noord na La Colina, situa den Tierra
del Sol den cuadro cu un ladronicia. Na e sitio a papia
cu e homber R., kende ta wantado di yabi di tal cas.
El’a declara cu e doño ta den exterior. Riba dia 18 di
Februari, pa mas of menos 9’or y mey di mainta, e cria

tabata e ultimo cu a waak e cas. El’ a laga tur cos
cera y intacto. Ora el’ a bin bek dialuna rond di 9’or y
45, el’ a wak cu e cashinan den e sala tabata hancho
habri.y tur cos tabata reboltea. El’ a tuma contacto
cu e encargado di e cas pa bin na e sitio. Ora cu el’a
yega, el ‘a controla e cas. El’ a ripara cu e porta banda
pabao a wordo forza. E kamber riba di dos piso a
wordo completamente reboltea. Desconocidonan a sa
di drenta e cas via e porta ya menciona y a bay cu
varios articulo di e cas. Central a pone departamento
tecnico na altura

Catamaran a zink den
lama na Nikky Beach

Diadomingo, pa mas of menos 11’or di mainta, Maritiem
Politie a ricibi un melding telefonicamente cu un
catamaran tabata mita gezink na altura di Nikky Beach.
A bin topa cu e Catamaran Isabella.

E doño tabata na e sitio y a declara cu e dia prome pa
5’or, el’a laga e catamaran den bon estado. Diadomingo
nan por a mira cu e catamaran tabata mitar gezink.y
nan tabata bezig pa saca e catamaran for di awa pa por
control’e pa mira kico por tabata e causa.

Kier a mira si tabata trata di un incidente of un delito. E
doño lo a tuma contacto

bek cu polis pa pone nan na altura di e resultadonan.