Page 8 - KPA 2 MARCH 2016

Tata ta core bay laga teres yiu despues di accidente na
Turibana

Tuesday, 01 March 2016 21:29
Tweet
Comparti

Diamars mainta a sosode un accidente caminda un pickup a dal den un Toyota Rav4. E impacto tabata
basta fuerte. Tabata un pickup bayendo zuid riba e caminda di Turibana a dal den e Rav4 cu a lora
diripente su dilanti. E chauffeur di e Rav4 a bisa cu e pickup tabata bin duro. Polis no ta haya esey ta e
caso y cu mas bien e chaufeur a descuida. Den e pickup tabata tin tres menor di edad cu a dal nan curpa.

E damita mas grandi a dal su cabez masha duro den windshield y a keda cu golpi na frenta. E no tabata
kier yudanza. E tata cu tabata na stuur a core bay for di e sitio. E no tin rijbewijs. El a bay laga tur e tres
muchanan atras na e sitio entrenan muchanan herida. E tata tambe ta herida. Polisnan di Noord a atende
cu e caso y tuma declaracion di e otro chauffeur y e hoben mas grandi cu tambe tabata den e pickup.
Daño material ta hopi. Mirando cierto duda a pone cu Polisnan di Noord a pidi pa manda Polis di trafico
cu a presenta na e sitio. Na yegada a analisa e situacion y no tabata asina dificil pa logra saca conclusion
kende tabata fout. Un tanta di e muchanan a presenta na e sitio y a atende cu muchanan cu tabata hopi
spanta.