Page 83 - KPA 2 MARCH 2016

40 Djarason 2 Mart 2016

FERF DI DOS SOSEGA NA PAS
KOMPONENTE
PA FERF NOS

KAYANAN

WILLEMSTAD.- Minister
Suzanne Camelia-
Römer (PNP) enkargá
ku Transporte, Tráfiko
i Planifikashon Urbano
a tuma desishon ku ta
bai hasi uso di fèrf di
dos komponente pa fèrf
kayanan di Kòrsou. Lo fèrf
prinsipalmente kayanan i
krusadanan prinsipal ku
e fèrf aki.Ultimo añanan
tabata usa fèrf di awa pa fèrf
nos kayanan, pero ta bisto
ku tin kasonan kaminda
e fèrf no ta wanta mas ku
algun siman. Mayoria kaya
no ta pintá mas i anochi e
problema ta hopi serio ya ku
no ta mira e divishon riba
kaminda.Segun e ministerio
di tráfiko, despues di seis
luna e fèrf di awa no ta
visibel mas. E minister a
opta pa un maneho nobo
i duradero pa loke ta trata
infrastruktura. E minister
a enkargá Obra Públiko
(OW) pa buska solushon.
E presupuesto tei i e ta
aprobá pa loke ta trata
pintamentu di kayanan.
Den e kuadro ei OW a bai
buska un mihó fèrf ku ta
mas duradero, teniendo
kuenta ku e temperatura
promedio na Kòrsou. A hasi
tèst ku produktonan te ku a
logra haña unu ku a duna
resultado positivo.Un fèrf
di dos komponente ta loke
a duna resultado deseá. A
buska un mashin speshal
ku ta bai usa ku e fèrf aki.
A tèst e produkto riba e
kaminda di Banda Bou na
altura di Grote Berg. Pa un
periodo di un aña kaba a fèrf
na e área ei i e fèrf a wanta
hopi bon. Esei e ministerio
ta konsiderá un invershon
duradero, ku ta bale la
pena. Ta nifiká ku ta bai pa
un produkto ku garantisá
ta keda riba kayanan pa 3
òf 4 aña apesar di e klima
kayente. E minister a indiká
ku e fèrf di dos komponente
ta loke ta bai hasi uso di dje.

EXTRA a tuma nota di
hopi kaya importante ku
no ta pintá i ku ta motibu
di hopi problema pa
outomobilistanan. Durante
di dia e problema ta grandi,
pero ku klaridat di dia e
outomobilista por kalkulá
unda e mester kore. Den
anochi e problema ta bira
mas serio i ora áwaseru ta
kai e problema ta bira hopi
mas serio.