Page 12 - MIN VOS JUNI 26 2015
P. 12
Diabierna 26 Juni 2015 Pagina 25
Solo di Pueblo... Noticia Local.....
"Bushiri Nationals" Karting Competition
SMRRP Stichting memorial
Raoul Roberti Paesch y
Bushiri Karting lo organiza
diadomingo awor 28 di
Juni un careda nacional di
karting na Bushiri Karting
Speedway, e evento aki
lo cuminza for di 10 am cu
cualificacion di tur piloto, pa
e careda por cuminza 11 am
y lo termina den ora nan di
atardi.
Lo tin diferente categoria cu
lo participa e dia aki manera:
Baby (4-6 aña)
4 stroke
2 stroke TAG Senior
2 stroke TAG Master
Shifters
2 stroke Rookies: un grupo
cu ta creciendo masha hopi
mes dan e ultimo 6 luna nan
cu diferente coredor jong y
tambe femenino.
Tambe nos lo conta cu 2
piloto for di exterior cu lo
participa e dia aki, 1 Piloto
for di Venezuela den e
categoria Tag Senior y 1
piloto for di Canada den e
categoria 4 stroke.
SMRRP ta un stichting cu ta
traha duro den e ultimo aña
pa organiza diferente careda
nacional, pero a logra firma
un acuerdo cu Panama na
Mei ultimo, pa organiza un
point serie entre Panama y
Aruba.
E point serie lo cuminza
na Panama na Augustus y
caba na Aruba na October
16 17 y 18 di e aña aki.
SMRRP y Bushiri karting lo
uni hunto pa prepara e piloto
nan di Aruba e weekend
aki pa nan lo duna un bon
careda y saca e talento di
Aruba pa manda nan pa
competi den exterior pa
representa Aruba e aña aki.
Na tur e amantenan di
speed boso ta cordialmente
invita pa presencia un dia
yena cu adrenalina y cu hopi
velocidad.
Asina apoya nos piloto nan
di Aruba cu lo bay competi
dan exterior.
Bar y cushina lo ta bon surti.
