Page 68 - MIN VOS JUNI 26 2015

AWEMainta Diabierna, 26 Juni 2015 5

Awe ta

Dia Internacional
contra Abuso
di Droga y
Traficacion Ilicito

“Laga nos desaroya nos bida, nos
comunidad, nos identidad, sin
uzo di droga!!”
Te mensahe di FADA awe

NA aña 1987 pa ser exacto riba un 7 di december

durante un Asamblea General, Nacionan Uni a dicidi
di bin cu un Dia Internacional contra e abuso di droga
y traficacion ilicito.

E fecha cu a ser escogi ta dia 26 di juni di tur aña. E
intencion ta pa tur pais miembro di Nacionan Uni
crea un sociedad liber di uzo y traficacion di droga.
Algo cu tin famianan mundialmente destrosa.

Aki na Aruba esaki tambe t’e caso. Hopi problema
familiar tin di haber cu e uzo di droga legal of ilegal.
Droga ta algo cu awendia ta dificil pa evita. Unda bo
bira bo por topa e droga. Sea den forma legal of ilegal.
Droganan legal ta e.o. sigaria y alcohol. Droganan
ilegal ta p.e. marihuana, cocaina, heroina etc.
Den e Asamblea General ta reconoce cu asina
mes cu nos ta purba di bringa e mundo di droga
internacionalmente e ta keda un problema en especial
p’e salud, bienestar y seguridad di e ser humano en
especial serca nos hobenan.

Laga nos desaroya nos bida, nos comunidad, nos
identidad, sin uzo di droga!! Esaki ta un tema manera
tur otro cu nos di FADA ta uni nos mes na dje.
Ta algo cu nos ta purba trece padilanti durante nos
diferente charla y actividadnan diario. No solamente
pa nos hobenan, pero p’e pueblo di Aruba engeneral.
Nos kier concientisa e pueblo riba e consecuencia di
e abuso di droga y tambe e traficacion di esaki. No
solamente riba e fecha aki, pero tur dia di nos bida.

Si nos tur hunto uni pa bringa contra e problematica
di droga nos por desaroya un bida, un comunidad y
identidad liber di droga.

Si ta desea cualkier tipo di informacion semper por
tuma contacto cu nos na nos number di telefon 583-
2999 of pasa bishita nos na un di nos oficinanan na
Campanastraat 5 of na San Nicolas situa den YMCA.