Page 60 - AVP
P. 60
Aruba ta drenta un temporada cu ta sagrado pa e pueblo di Aruba. Na e momentonan
mas dificil di su historia, Aruba a uni y tabata un solo pueblo.
Awe Aruba ta wordo dividi dor di personanan cu ta saca beneficio for di wega politico
sin mira con nan ta kibra tradicion di e Arubiano pa enfrenta e futuro cu gobierno
anterior di Mike Eman a desgracia.
Ta increibel loke ta pasa cu Aruba actualmente. Cu wega politico por haci hopi, tabata
evidente na 1985 ora a uza e salida di Lago pa asina deshaci di e logro grandi di Betico
Croes, cu a guia Aruba den un futuro nobo.
Na e momentonan aki gobierno di Evelyn Wever-Croes ta trata di hiba Aruba na un
futuro nobo despues cu gobierno Mike Eman a laga Aruba ruina riba tur tereno.
Nos mester ta honesto y manera AVP mes semper ta splica, mester laga cifra haci
husticia.
Cifranan cu tur gremio mester por lesa, ta mustra claramente kico gobierno Mike Eman
a haci cu Aruba. No tin crimen mas grandi cu loke a pasa cu Aruba for di eleccion 2009
pa eleccion 2017 ora a uza fondonan di Aruba pa kibra Aruba.
Kico a haci contra gobierno Mike Eman? Con a bay contra Gobierno Mike Eman? Kico ta
wega politico?
Na 1985 Aruba a mira kico ta wega politico ora a uza e crisis mundial di petroleo y e
decision di Exxon pa cera un cantidad di refineria cu no por a duna resultado financiero
grandi pa futuro y tabata exigi placa pa sigui mantene e planta den bon condicion
aceptabel.
Wega politico a wordo hunga cu hamber di e pueblo di Aruba. Un campaña di mentira a
wordo introduci contra Betico Croes, cu a hiba Aruba na Status Aparte di cual e prome
gobierno di Aruba a probecha aunke e tabata contra e lucha di Betico Croes.
Awe cu futuro di Aruba ta na peliger pasobra un grupo den mundo politico y respalda
pa satelitenan scondi kier bolbe na poder, e wega di 1985 ta wordo ripiti.
