Page 35 - META

trahadornan a sinti nan mes incorfortable. Ta pesey e reina un malcontento y e
trahadornan a manifesta na Parkietenbos diaranzon mainta.

E rumornan ta indica cu e intension di gobierno ta pa diahuebs durante un reunion di

Parlamento presenta un mocion unda cu ta duna e compania priva e derecho pa
procesa sushi. Banda di esaki, ademas cu tin e mal contento pa e cobranza pa e
recogemento di sushi, esaki a lanta hopi mas desconfianza bao di e trahadornan, a
bisa.

E trahadornan aki ta exigiendo minister claridad riba kico ta bay ta e derecho di
Serlimar y si lo bay pasa e derecho aki over pa un otro compania. Mediante un carta cu
SEPPA a manda, e trahadornan ta exigi pa e claridad wordo duna mas pronto posible.

“Si no bin claridad, e ora ey Serlimar completo lo tuma accion pa mustra cu e mal
contento aki ta uno serio”, van der Biezen a duna di conoce.

E trahadornan lo sigui lucha pa nan pan di cada dia, pasobra nan ta mira e competencia

un peliger basta grandi rond di esaki.

Tin indicacion cu gobierno anterior a duna Ecotech e poder pa piki sushi tambe.
Sinembargo, ta mira cu si e posicion huridico di e trahadonan di Serlimar ta bay na

peliger cu esaki lo bira un topico di discusion cu SEPPA.

Aworaki e trahadornan di Serlimar ta mira cu por tin un peliger na caminda y pesey nan
ta exigiendo di parti di gobierno pa trece claridad cerca nan, a indica.

El a agrega cu dos aña pasa, tur partido entre nan esunnan di oposicion tabata para pa
e compania estatal y tur a priminti di tene cuenta cu e bienestar di e compania
mientras cu aworaki e trahadornan ta para dilanti di e situacion cu a presenta.

“Algo mester sosode cu Serlimar pa su existencia keda garantiza. E accion di Serlimar
lo keda te ora cu tin reunion cu e minister y bin claridad di kico ta e intencionnan
realmente cu e compania y si di berdad e minister por trankiliza e trahadornan cu no tin

ningun otro intencionnan maligno pa cu posible reunion of intencionnan di gobierno
durante e dia di mañan”, Magaly Brito a enfatiza.