Page 42 - KPA

Dama a wordo ataca di
patras den Avenida Alo
Tromp

Published on March 2, 2017 in Suceso
ORANJESTAD, Aruba

Diadomingo, pa mas of menos 11’or y 47 di anochi, Central a wordo dirigi pa Profesor
Lorentzstraat, den cuadro di intento di violacion. Eynan a papia cu un dama di 19 aña,
kende a declara cu pa banda di 11’or y 15 di anochi, e tabata na caminda pa cas,
despues cu el a sali for di bus na e parada di bus grandi den LG Smith Boulevard. El a
sigui splica cu den Weststraat, posiblemente Avenida Alo Tromp, el a wordo ataca pa
un homber desconoci. El a sigui bisa cu tabata scur y e no por a mir’e bon. El a declara
tambe cu e homber tabata flaco y largo y tabata hole stinki. E ta asumi cu ta trata aki di
un adicto ambulante. Fuera di esey, e no por a duna mas detaye di e homber. E no por
a duna un discripcion di e homber. El a bisa cu e homber a cuminsa ranca na su paña y
su paña di abao pa kibra esaki pa asina viol’e. El a declara cu el a skop e homber y
pesey el a core bay. El a wordo hiba warda di polis, caminda cu slachtofferhulp a wordo
poni na altura.

Departamento tecnico a bin pa tuma potret. JZP tambe a wordo poni na altura pa mas
investigacion.

Pelea den E Boco
Restaurant

Published on March 2, 2017 in Suceso
ORANJESTAD, Aruba

Diadomingo, pa mas of menos 10’or y 35 di anochi, Central a manda patruya na E Boco
Bar & Restaurant pa un pelea. Eynan a papia cu algun testigo, kendenan a declara cu
tabatin un problema entre un grupo di persona den dicho bar. E Discusion a sali for di
man y e pelea a cuminsa entre e grupo di personanan. Pa un ke otro rason, un homber
bisti cu un t-shirt blanco cu pechi cora, color bruin cla y cu un postura gordo, a dal e
dama K cu un mokete na su cara. E no tabatin nada di haber cu e problema. El a haya