Page 52 - KPA
P. 52
Dama di edad victima di atraco cu agression,
den dia cla!
13 HORA PASA , 1 DI MAART 2017 08:43
SECCION: INCIDENTE
Diaranzon mainta a drenta informe di un atraco riba un dama di edad den Dr. Henriquezstraat,
mesora a dirigi un patruya na e sitio. Na yegada di e patruya a bin compronde cu e dama aki
cual ta un paciente di curazon y cu ora cu ela caba di saca sanger a cana bay pa bay cas un
auto shinishi (aparentemente Toyota Tercel) cu e glasnan scur y sin number a acerca e dama y
a baha choca e dama exigiendo pa placa den idioma spaño y e dama a bisanan den e tas tin
placa cu ela caba di cobra pero no haci'e mas daño ya cu e ta un paciente di curazon y e ta
hayando dolor. Despues e atracadornan a bandona e sitio lagando e dama cu yen di dolor
sufriendo un posibel atake pero un caballero a pasa y a yuda e dama y a hib'e na e
Landslaboratorium y a yama polis. E patruya a haya instruccion pa hiba e dama na oficina di
recherche na Frankrijkstraat pero mirando e situacion di e dama e patruya a solicita pa
ambulans bay atende na e oficina. Slachtofferhulp tambe a ser dirigi na e sitio pa papia cu e
dama
