Page 19 - MIN VOS

AWEMainta Diaranson, 18 October 2017 27

Un wega yena cu carchi geel

Prome victoria den campeonato 2017-2018 pa La Fama

E di tres wega di e campeonato di futbol Division Honor 2017-
2018 a continua diadomingo atardi, unda cu La Fama a topa cu
Superfood Plaza Bubali. E wega aki tabata uno cu yen carchi a
cay ya cu ambos team kier a bay cu e victoria, pero na final di e
anochi La Fama a bay cu esaki cu e score di 1-0.

Esaki tabata e prome wega di ambos team, di cual tur 2 a subi
tereno dicidido pa bay cu e triunfo. E wega tabata uno fuerte unda
cu na 26 minuut di wega e number 5 di Bubali, esta Theric Ruiz,
a ricibi un carchi geel despues di a comete infraccion.
E wega a continua unda cu La Fama a ricibi un tiro di penalti y
Davidson Kaarsbaan a anota e unico gol di e wega. Na 41 minuut
un biaha mas Bubali ta haya un carchi geel y e biaha aki a toca e
number 10 Maurice Escalona pa comete un infraccion.

E di dos tempo a cuminsa y na diferente ocasion ambos team a
yega serca di e area di gol, pero no a probecha di e oportunidad-
nan. Pero na 53 minuut un di 3 carchi geel a cay pa Bubali y esaki
tabata p’e number 12 Son-David Pieters.
Bubali ta sigui ataca e barera di La Fama, pero e defensa no tabata
haci esaki facil. Na 82 minuut di wega e number 18 di La Fama,
Carlos Ramirez a comete un infraccion y a ricibi un carchi geel.

Wega a continua y na 85 minuut La Fama ta bolbe haya un carchi
geel dor di e hungado number 2 Angelo Henriquez. Den 90 min-
uut di wega e di 3 carchi geel pa La Fama ta cay y un biaha mas
esaki tabata pa Angelo Henriquez. Na final di e anochi e wega a
termina 1-0 pa La Fama.