Page 33 - MIN VOS
P. 33
deporte Diaranson 18 october 2017
A21
Un wega yena cu carchi geel
Prome victoria den campeonato pa
La Fama
ORANJESTAD - Recientemente e di tres wega di e
campeonato di futbol division honor 2017-2018 a con-
tinua, unda cu La Fama a topa cu Superfood Plaza
Bubali. E wega aki tabata uno cu yen carchi geel, ya cu
ambos team kier a bay cu e victoria, pero na final di e
anochi ta La Fama a bay cu esaki cu e score di 1-0, se-
gun e relato cu nos a haya.
Esaki tabata e prome wega di ambos team, di cual tur 2 a subi
tereno dicidido pa bay cu e triunfo. E wega tabata uno fuerte
unda cu na 26 minuut di wega e number 5 di Superfood Plaza
Bubali, esta Theric Ruiz, a ricibi un carchi geel despues di
a comete infraccion. E wega a continua unda cu La Fama a
ricibi un tiro di pinalti y Davidson Kaarsbaan a anota e unico
gol di e wega. Na 41 minuut un biaha mas Superfood Bubali
Bubali ta haya un carchi geel y e biaha aki a toca e number 10,
esta Maurice Escalona, pa comete un infraccion.
E di dos tempo a cuminsa y na diferente ocasion ambos team
a yega cerca di e area di gol, pero no a probecha di e opor-
tunidadnan. Pero na 53 minuut un di 3 carchi geel a cay pa
Superfood Bubali Bubali y esaki tabata pa e number 12, esta
Son-David Pieters.
Superfood Bubali ta sigui ataca e barera di La Fama, pero e
defensa no tabata haci esaki facil. Na 82 minuut di wega e
number 18 di La Fama Carlos Ramirez a comete un infrac-
cion y a ricibi un carchi geel. Wega a continua y na 85 min-
uut La Fama ta bolbe haya un carchi geel door di e hungado
number 2, esta Angelo Henriquez. Den 90 minuut di wega e
di 3 carchi geel pa La Fama ta cay y un biaha mas esaki tabata
pa Angelo Henriquez. Na final di e anochi e wega a termina
1-0 pa La Fama.
