Page 88 - MIN VOS
P. 88
Diabierna dia 20 di october 2017 Club di Dam San Nicolas bou guía di sr.Henry Kenepa
ta organisa pa e di 7 biaha e campeonato di dam pa muchanan di tur edad. Aña pasa e
promer premio a bai pa Angel Reoncio cu a ricibi un bicicleta como premio.
E aña aki e prome premio ta un bicicleta y e di dos premio un Tablet Galaxy , Samsung y
di tres premio lo ta un Bluetooth Speaker marca Coby. Tambe lo bai tin copa pa e
promer tres lugar. San Nicolas Dam Club ta invita Aruba en general pa bin participa na e
campeonato aki cu lo inicia diabierna 20 di october na Sportcentrum San Nicolas – IBiSA
SN pa 6’or di atardi. E campeonato lo tin un duración di tres dia y lo sigui dia 23 y 27 di
october 2017. Sr. Kenepa ta gradici tur e sponser cu riba un of otro manera a coopera cu e
diferente premionan y IBiSA pa pone nan lugar disponibel pa e campeonato aki .
Participacion ta GRATIS, pa mas información por contact sr. Henry Kenepa na 568-4034
of por pasa personalmente na Sportcentrum San Nicolas – IBiSA SN of por yama na
5848903. Ban engrandese nos deporte di dam cu bo participación na San Nicolaas Dam
Club.
