Page 3 - ARUBA BANK

ORANJESTAD (AAN): Directora di Departamento di Impuesto, Luenne Gomez-Pieters a
trece algun punto dilanti relaciona cu locual tin cu tuma lugar entrante Januari 2020
unda cu e comerciantenan tin cumpli cu ley pa loke ta impuesto ariba e recibo.

El a bisa cu pa controla cu esaki tuma lugar segun ley e consumidor por yuda tambe
den e proceso aki.

E consumidor tambe por dicidi cu e no ta cumpra un producto of cu e ta paga e prijs cu

ta wordo cobra na caha (cu no ta mescos cu esun ariba e producto) y e ta raporta e
negoshi na Departamento di Impuesto pasobra no ta cumpliendo cu e reglanan den ley.

Ta trabao di DIMP pa controla e negoshinan y nan administracion. E cambio di ley cu a

wordo introduci 1 di Januari ta netamente pa proteha e consumidornan. Ta bay haya
prijsnan cu ta fluctua, a remarca.

Na momento cu e consumidor por compara un prijs pa e mesun buki, por ehempel,

Directie Economische Zaken lo por haci hopi mas cu controlnan di prijs, caminda e
consumidor por mira prijsnan diferente na diferente lugar. Mester corda cu e prijs poni
ariba reki of ariba e producto ta esun cu mester wordo cobra na caha, Gomez-Pieters a
splica.

Otro aña DIMP ta bay tin un campaña unda nan ta bay duna mas informacion cu mas
detaye. Lo purba di concientiza e comerciante pero tambe e consumidor pa ta conciente
unda e ta cumpra, kico e ta cumpra.

Tin un mercado liber, pero DIMP kier pa tur hende cumpli cu e impuestonan y e
reglanan cu ta trata leynan di impuesto. Ora cu ta mira cu un negoshi no ta cumpli, nan
lo mester por actua y impone e boetnan cu ley tin estableci, Luenne Gomez – Pieters a

duna di conoce.

https://www.diario.aw/2019/11/prijs-poni-ariba-reki-of-ariba-e-producto-ta-esun-cu-mester-wordo-
cobra-na-caha/