Page 53 - MIN JUS 15 MAART 2016

core bay den Toyota Yaris color blanco. Nan a mira cu e auto tabata persigui. Nan a bisa cu algun dia
despues nan a bay Arashi y a mira un persona para cu ta e asaltante.
Fiscal a mustra cu R.C. ta acusa Polis cu ta nan a pone e yabi den e auto pa asina tira culpa riba dje. Esaki
ta un acusacion hopi serio y no tin ningun prueba pa esaki. E compania di huur a bisa cu nan ta haci auto
completamente limpi prome cu huur y no tabatin yabi aden. Prome R.C. kier a cambia e auto pa no
wordo reconoci pero e compania no a hacie. Nan a kita e tapanan di wiel y hinca nan den bahul. Tambe
e sticker I love Aruba riba windshield patras a wordo kita. Fiscal ta Haya cu tin suficiente prueba cu ta
R.C. ta e culpabel.
Fiscal a mustra R.C. riba e hecho, cu Aruba ta un isla cu ta depende den su mayoria ariba turista. Un
turista ta bin Aruba pa descansa y pasa bon. Si nan wordo asalta, door di e posibilidad di social media,
esaki ta plama masha lihe mes y ta pone cu Aruba ta wordo poni den un luz negativo, sin cu tin mester.
Un biaha mas Fiscal ta pone enfasis ariba e hecho cu R.C. den pasado ya caba a mata un turista durante
un asalto. Tambe na 2005 e acusado a wordo condena pa purba na mata un persona, caminda cu e arma
a wordo haya. Y na 2008 el a bay Corsou caminda na 2012 e ta wordo condena pa atraco. E ta keda den
libertad na September 2014. Y asina por sigui menciona varios otro caso mas caminda e acusado ta keda
condena.
Teniendo cuenta cu tur cos, Fiscal a exigi 5 aña di prison.
R.C. a bisa Hues cu e ta hura cu e no a haci e asalto arma aki.
SENTENCIA
Hues a cera tratamento di e caso pa pensa si e ta dicta sentencia di biaha. Despues Hues a bolbe y a bisa
cu e ta dicta sentencia di biaha. E ta haya legalmente proba cu R.C. ta culpabel. Ta un caso serio. Hues a
mustra cu den pasado R.C. a wordo condena pa algo similar. E ta considera R.C. un recidivista cu ta haci
cu mester pone mas peso. A asalta turista y Hues ta tume hopi na malo. Hues a bisa cu teniendo cuenta
cu tur cos, e ta haya e castigo exigi pa Fiscal no suficiente. E ta haya cu mester subi e castigo. Hues a
condena R.C. na 6 aña di prison. Por a mira cu R.C. no a keda nada content cu e sentencia. El a keda haya
manera un baño di awa frieu.
http://masnoticia.com/hues-ta-subi-castigo-di-prison-pa-recidivista-cu-asalta-turista/