Page 15 - KPA

8 AWEMainta Diaranson, 1 November 2017

Mester di por lo menos 162 agente di polis mas

pa por tin mihor asistencia policial riba caya

SEGUN vocero di polis, sr.
Lito Lacle, si mira un inrich-
tingsplan pa Cuerpo Policial
cu a traha na aña 2010, aki
por mira cu tin un scarcedad
grandi di polis na Aruba.
Si tuma Hulanda como
ehempel, nan a hasi un re-
organisacion den e departa-
mento policial na aña 2012,
pero awor na 2017 nan a
ripara cu tin hopi factor
tumando lugar ora cu a hasi
e reorganisacion, no a bin
dilanti ainda, cual ta hasi cu
nan tin cu reorganisa atrobe.

“Na Aruba tin cosnan pas-
ando cu na 2010 nos no
tabata sa cu t’ey pasa.” Ta
palabranan di sr. Lacle.
Segun e Vocero di Polis, e
inrichtingsplan cu a wordo
traha na 2010, mester a
wordo implementa na januari
2011. Locual cu ta nifica cu
for di aña 2010 caba ta papi-
ando di un escarcedad di 162
agentenan policial, awendia
cu tur e departamentonan cu
a wordo lanta, ta calcula di a
yega of hasta surpasa e suma
di 200 agentenan policial
necesario pa e departamento
funciona optimalmente.

Den e ultimo 8 aña tabatin
un cantidad di 129 agente cu
a drenta opleiding, locual ta
duna un average di 17 aspi-
rante di polis pa aña.

Ya caba den 2017 tin 3 polis
cu a bay cu pensioen, 3 cu a
sali for di Cuerpo Policial pa
diferente motibo y 1 a fayece,
cual ta hasi cu e aña aki tin
un deficit di 7 polis riba e
calculacion di 162 polis cu a
hasi na 2010.
Tur aña Cuerpo Policial ta
perde di 7 pa 11 agente y
consecuentemente e average
di 17 agente policial cu ta
drenta pa aña no ta comple-
menta e necesidad grandi cu
tin pa agentenan policial.