Page 7 - LOTTO

AWEMainta Diahuebs, 17 Augustus 2017 29

Tres atleta di biyar,

Marc Farro, Jason Kock y Gunnar

Leonardo lo representa Aruba

den Panamericano di biyar na

Buenos Aires, Argentina

DIARANSON atardi un delegacion di biyar lo sali
pa Argentina unda nan lo competi den e Panameri-
cano di biyar porcierto e campeonato mas grandi di
e continente aki.
Alrededor di 400 atleta di henter e continente Amer-
ica lo bin hunto pa mira ken lo por yama su mes e
mihor biyarista Panamericano.
E tres atletanan di Aruba t’esnan cu a gana e derecho
di representa nos isla mirando cu nan a gana tor-
neonan local valido pa e clasificacion final pa dicho
weganan.

E atleta Marc Farro a rank number 1 despues di 6
evento, mientras cu Gunnar Leonardo a rank number
2 despues di 6 evento y tabata Campeon Nacional
bola 8 & 10.
Por ultimo, e atleta Jason Kock a rank number 3
despues di 6 evento y tabata e Campeon Nacional
bola 9.
Un pabien sigur na Gunnar Leonardo como tambe na
Marc Farro y Jason Kock cu nan titulonan y alabes
t’e atletanan di biyar cu lo representa Aruba den e
Panamericano di biyar na Argentina.

Ta bon pa bisa cu na aña 2002, Aruba a sa na titula
campeon den e Panamericano di Biyar teni na Aruba
mes unda cu e atleta Ditto Acosta a gana e gran final
for di e Luis Miguel Sanchez di Venezuela, mientras
su siguiente aña, un bes mas Ditto Acosta ta yega e
gran final di e Panamericano di biyar teni na Argen-
tina, pero aki e ta cay venci contra di Jorge Llanos di
e propio Argentina y asina keda na un di dos lugar.
Esakinan tabata e mihor resultado obteni pa nos
atletanan di biyar den e Panamericano di biyar cu a
inicia desde 1999.