Page 118 - MIN VOS

Lidernan politico cu asiento cla pa

asumi responsabilidad

Posted on 09/25/2017 6:43 pm AST | Updated on 09/25/2017 6:43 pm AST

ORANJESTAD – Despues cu Gobernador Alfonso Boekhoudt a reuni cu lider di
partido AVP Mike Eman, el a sigui e ronda di combersacionnan unda cu cada uno a
presenta nan scenario na e cabez di gobierno. Basa riba e informacion acumula,
Gobernador lo sa di tuma su proximo paso den e ronda di combersacion. E
intencion ta pa diamars finalisa e ronda di combersacion cu partidonan politico cu
no a logra un asiento.

MEP

Lider di partido MEP Evelyn Wever tabata cauteloso cu su palabranan, siendo un
audiencia cu Gobernador. Sinembargo e tabata cla si riba e hecho cu, contrario na
declaracion di Eman cu no ta bay forma gobierno y no ta bai den Parlamento, cu MEP si
lo asumi e tarea si e wordo poni den su man. Segun Wever, ta pesey a bay eleccion y si
bay haci algo otro, ta miho no bay eleccion anto. A desmenti cu tin combersacionnan
extenso cu Otmar Oduber, cu ta apenas diadomingo el a combersa cu Oduber pa felicite.
Pero cu combersacionnan lo por tuma lugar si.