Page 13 - Awemainta

AWEMainta Diahuebs, 25 Februari 2016 13

Prome Minster Eman a organisa un
briefing cu prensa Hulandes tocante

Conferencia P3a

DEN HAAG – Prome Minister Mike Eman a organisa en cooperacion

cu ministerio pa Asuntonan Exterior un briefing cu prensa Hulandes
pa duna aclaracion riba e Conferencia P3a - tocante public-private
partnerships pa islanan den desaroyo, e asina yama SIDS.

Aruba ta 22 te 24 maart binidero pais anfitrion pa e conferencia aki.
Un total di casi 40 delegacion di paisnan lo ta presente. Durante di
e conferencia P3a lo tin e apertura di e SIDS Center of Excellence.

Den su contesta na miembronan di prensa, Prome Minister Eman
a bisa cu e scogencia di Nacionnan Uni pa tanto tene e Conferencia
P3a y e Center of Excellence na Aruba ta principalmente debi na e
papel di pionero cu Aruba ta desplega na nivel internacional manera
e Reunion Plenario di Nacionnan Uni y e Cumbre tocante Clima na
Paris.

Na e ocacion aki Aruba a pidi atencion pa e retonan
cu e paisnan SIDS mas y mas ta confrontando: hopi
di e paisnan aki ta islanan cu un economia isola cu ta
depende di importacion y ta enfrenta gastonan halto
di transporte di carga y hopi biaha e islanan aki ta
sumamente funerabel pa motibo cu nan ta draai riba
un of dos pilar economico.

Recientemente hopi islanan, specialmente den oceano
Pacifico ta confrontando un peliger adicional: dor di
cambio di clima, e nivel di laman ta subi.
Si no tuma medida, hopi di e islanan aki lo ta bou di
awa den e proximo decada nos dilanti. Mayoria di e
paisnan di SIDS ta hopi chikito pa defende nan mes
contra tur e retonan aki. Cooperacion cu sector priva
por brinda solucion. Aruba ya caba tin experencia
positivo cu proyectonan PPP, segun Prome Minister
Mike Eman.

Conocemento cu lo wordo comparti durante di e
Conferencia P3a. Loke wordo comparti tambe ta e
esencia di e SIDS Center of Excellence.
Sr. Eman a enfatisa cu SIDS no ta unicamente un
partido rogativo, pero paisnan grandi y e sector priva
tin hopi di brinda como “living labs” pa e desaroyo di
innovacionnan sostenible.

E mandatario a elogia e bon cooperacion cu e ministerio
pa Asuntonan Exterior y dicon Reino Hulandes a
mustra nan envolvimento den e problematico di e
paisnan SIDS y ta pidi atencion internacional pa e
solucionnan cu ta wordo treci padilanti.

Nota pa redacion: Publicacion di e potret ta unicamente
posibel cu mencion di e nomber di e fotografo Nico van
der Ven.