Page 29 - Awemainta
P. 29
AWEMainta Diahuebs, 25 Februari 2016 29
Lotto ta felicita atleta di Mixed Martial Arts,
Gregory Milliard
cu su titulo di
CAMPEON MUNDIAL
DEN FIN di siman tras di lomba tabata un grand dia pa deporte di Mixed
Martial Arts di Aruba ya cu e atleta Gregory Milliard a logra un hazaña
unico ganando un titulo mundial na Detroit, Michingan, Merca.
Den su combate contra di e fuerte contrincante Shamier Garcia, e atleta
Arubano a duna un tremendo presentacion unda na final e hueznan a duna
e pugil Arubano e pelea na su fabor den un desicion unanime.
Deporte di combate Mixed Martial Arts a crece na Aruba unda mas y mas
hoben ta practica e deporte di combate. Internacionalmente deporte di
MMA a bira un di esnan mas mira na television, unda miyones y miyones
di persona ta sintonisa esaki semanalmente. Atleta Gregory Milliard,
Adrick Croes y Evan Nedd ta un di esnan mihor na Aruba cu a representa
Aruba varios biaha den exterior y cu exito.
E titulo mundial di atleta Gregory Milliard a bin na un bon momento y nos
tin sigur cu esaki lo sigui engrandece e deporte di MMA.
Cu e titulo aki Milliard, kende awor tin un record di 29 pelea gana lo
mester defende su titulo di campeon ohala na Aruba. Lotto, e Loteria di
Aruba ta felicta e atleta di MMA, Gregory Milliard cu su titulo di campeon.
