Page 10 - AWM 30JUNE2018
P. 10
10 AWEMainta Diasabra, 30 Juni 2018
Accidente cu hopi daño material banda di Buccaneer
DIABIERNA mainta den careda di 11:30 polis
a wordo informa di un accidente di auto serio,
altura di Buccaneer na Gasparito.
Mes ora varios unidad policial a bay e sitio unda
e accidente lo a sosode.
Na yegada nan ta topa cu e dos autonan envolvi,
tawata un truck di e compania CERD y un
Hyundai Accent color blauw.
Un dama den e Hyundai durante e impacto lo
a dal su cabes basta duro, causando un kap cu
tawata sangra profusamente.
Segun nos a compronde, e accidente a sosode
momento cu Hyundai bayendo zuid lo no a
tene cuenta cu e bocht, y ta topa cu e auto di e
compania CERD.
Personal di ambulance a prepara e dama cu a
haya e kap y despues a sali direccion Hospitaal
cune.
Caminda a keda cera pa un rato, pa takelwagen
por a yega y move e autonan cu tawata net den
e bocht. Ayera camindanan tabata basta muha
pasobra tabatin yobida den oranan di mainta,
no ta conoci cu esaki tambe a hunga un rol, den
cual un di e autonan envolvi ta un auto di huur.
