Page 24 - AWM 30JUNE2018

24 AWEMainta Diasabra, 30 Juni 2018

Centro di Pesca Hadicurari cu actividad cant’i lama cu piscadonan

Cumpra pisca cerca piscado local semper ta mas mihor y mas dushi

DIA di Piscado, oficialmente tabata dia di San

Pedro, dia 29 di juni, pero Centro di Pesca Had-
icurari conhuntamente cu Santa Rosa pasa un

kwart siglo ta celebrando esaki riba e diadomingo

prome of siguiente cu piscadornan y pueblo di
Aruba.

E aña aki e fecha ta diadomingo 1 di juli awor.

Un biaha mas lo tin e tradicional torneo di pesca
y atrobe Hadicurari lo ta poniendo atencion riba

seguridad riba lama pa nos piscadornan, como
tambe fomentando mas solaridad pa cu e lucha

di nos piscadornan. Bo tambe ta invita pa esaki.

HOPI ACTIVIDAD:

E celebracion ta consisti di un torneo di pesca
unda piscadornan for di 4’or di madruga ta subi

lama y prome cu 3’or di atardi lo ta yegando tera

pa pisa nan pisca y bende cu publico presente
durante di e Dia di Famia y Festival di Cuminda

di Lama cu lo ta tuma lugar n’e beach dilanti di e

centro na Palm Beach.
Lo tin varios tent ofreciendo delicianan di nos

lama, un bar crioyo a la piscador cu damanan

nita nita y ambiente sin igual. Lo tin musica di
DJ “Ora pa Bailadores” y lo finalisa e anochi cu

musica en bibo di “Jeo 297”.

BENTA DI PISCA FRESCO

E punto culminante t’e pisamento y bendemento
di pisca fresco fresco. P’esaki e centro ta pone un

tent apart specialmente asigna pa den e mesun
tradicion di nos antepasadonan cu a biba largo

comiendo cuminda fresco cumpra for di piscadot

na beach. Ki motivacion mas bo mester tin pa
bin? Pisca ta un di e fuentenan mas nutritivo y

saludable pa ser humano. Pisca fresco, gara den

e awanan di bon calidad rond Aruba, semper ta
mas mihot y cu mihor sabor.

Pesey reserva e fecha pa abo tambe pasa busca bo
pisca fresco y gosa di e festividadnan. For di 11’or

te 6’or di atardi na Centro di Pesca Hadicurari,
un y tur lo pasa un rato ameno canto di lama.