Page 60 - UPDATED NEWSPAPER KPA

Arrestatie Team den forma di pelicula a detene 3 persona

Publication: Wednesday, 17 June 2015. Categoria: Policial

ORANJESTAD (AAN): Diamars atardi varios departamento manera Polis, Arrestatie Team. K9-
Unit y Recherche, a realiza un accion riba algun persona cu pa algun tempo ta worde busca pa
Husticia relaciona cu un caso bao investigacion cu mester a tuma lugar den area di Noord.
Diamars atardi na altura di Aruba Aloe Balm, Arrestatie Team a logra pa para 2 auto.
Inmediatamente a detene 3 persona cu ta 2 hende homber y 1 muher. Na e lugar mes, personal di
K9-Unit a realiza un investigacion riba e auto. Den e auto tabata tin varios ekipo cu ta worde uza
pa snorkel y dive.
A confisca ambos y tur cos cu a worde encontra den e auto. Mester menciona cu ambos auto
tabata core cu e mesun plachi di number.
Te ainda prensa no conoce, di cua caso esaki tin di haber, pero den nos proximo edicion DIARIO
lo percura pa trece mas informacion.
http://www.diario.aw/2015/06/arrestatie-team-den-forma-di-pelicula-a-detene-3-persona/