Page 20 - newspaper clippings KPA mrt 9 2015

24 AWEMainta Dialuna, 9 Maart 2015

Orguyoso di a patrocina e gruponan cu a resalta mas den Carnaval 61

NAGICO a celebra

cu Tsunami, Buleria y Empire
Carnival Group

SIENDO un compania di seguro inovativo y den un

esfuerso pa por haci tur lo posibel pa salvaguardia nos
cultura, Nagico Insurances a patrocina e banda Buleria y
Tsunami durante e temporada di Carnaval 2015.
“Nos ta creciendo hopi e ultimo añanan, specialmente pa
nos nivel excepcional di servicio, tarifa competitivo y nos
paketenan cu ta inclui servicio di road service durante 24
ora pa dia”, asina drs. Detlef Hooyboer, Managing Director
di Nagico Insurances na Aruba, Bonaire y Corsou a duna di
conoce.
“Y pa yama nos clientenan danki p’e sosten, a opta pa duna
un man na conserva nos Carnaval y percura pa e ta un exito”
Nagico Insurances a patrocina e banda Buleria y e grupo
Empire Carnival Group y tambe e banda Tsunami.
E compania di seguro a brinda sosten tambe na otro
cantantenan individual cu a participa den festival di tumba.
E compromiso di Nagico Insurances tabata bisto durante
paradanan di Carnaval, cu decoracion na e trailernan di e
bandanan den parada.
Recientemente e compania di seguro, un di esnan mas
grandi den Caribe Hulandes y den Caribe en general, a
organisa un cena pa yama e integrantenan di e bandanan
musical y e gruponan di Carnaval un “danki” special.
Di e forma aki Nagico Insurances a mustra nan aprecio pa
a permiti nan participa cu e gruponan den parada y mustra
nan e orguyo cu e premionan cu e banda y gruponan a logra
e aña aki.
Ta intencion di Nagico Insurances pa bolbe sostene e
gruponan aki otro aña atrobe, como un muestra di aprecio
p’e forma con a bay e aña aki. E cooperacion entre e
gruponan y e compania di seguro tabata tremendo y a
inspira pa continua.